Apple süni intellekt sahəsində geri qalmamaq üçün Siri-ni tamamilə yenidən qurmağa hazırlaşır. Şirkətin planına görə yeni Siri daha ağıllı, kontekstual və çoxaddımlı əmrləri yerinə yetirə bilən bir sistem olacaq. Bunun üçün Apple-ın Google Gemini modelindən istifadə edəcəyi bildirilir.
Yeni Siri istifadəçinin ekranında nə olduğunu anlaya, tətbiqlər arasında keçid edə və daha mürəkkəb tapşırıqları yerinə yetirə biləcək. Məsələn, istifadəçi “bu e-maildəki tarixə görə təqvim yarat və həmin gün üçün hava proqnozunu göstər” kimi mürəkkəb tapşırıqlar verə biləcək.
Apple üçün əsas məsələ təhlükəsizlikdir. Şirkət məlumatların böyük hissəsini öz “Private Cloud Compute” sistemi daxilində emal etməyə çalışır. Bu, digər AI platformalarından fərqli olaraq istifadəçi məlumatlarının daha yaxşı qorunması deməkdir.
